Nurul

Tok tok..punten..nepangkeun abdi Nurul , asli Jasun, Jawa Sunda. Pun biang asli Sumedang, upami Bapa ti Kediri. Janten di bumi teh pabeulit bahasana :) Kaleresan abdi di Bandung mang taun taun..ti alit 1976, nepika 1999, teras ngalanjutkeun studi ka batapia (baca: jakarta) sareng teras di damel didieu, milarian sahuap dua huap anu tiasa dihuapkeun tea lah..tp hate mah masih hidup persib! Heheh..teras karesep oge masih tutug oncom, ulukutek leunca, jeung peda, tp sesah milarian didieu mah, komo deui milarian channel sunda nu aya “sinetron” inohong di bojongrangkong, hihi masih aya kitu nya?.

Nembean aya jodohna ti Allah SWT 2004 kamari. Janten ayeuna abdi nuju udar-ider wae jakarta-bandung, da pun lanceukayeuna nuju PTT di sumedang janten abdi teh tiasa disebatna istri AKAP, kawas beus wae lah..Antar Kota Antar Propinsi hihihi..Alhamdulillah ayeuna cipularang tos aya, janten asa caket..ngan akhir tahun ieu mah abdi bade pindah ka bandung, insya Allah ngalahirkeun, sareng meh caket ka pun lanceuk.

Motipasi ngiringan WSAB ngan saukur hoyong menjalin persatuan dan kesatuan…kumaha wae TVRI lah hehe..kaleresan ieu meni seeur anu sa-SMP 5 nya, aya nita, irma, sareng cia..jeung motipasi nu sanes ameh tiasa diajar basa sunda anu langkung sae, da kapungkur mah mun aya pelajaran basa sunda di SMP teh sok nyontek wae dipayunan Pak Eman jeung Pak Bandi tea, kainget gaduh dosa kieu nya...
Mangga atuh ah permios, adios, amigos..lamun bade aya nu nga-add di friendster imel abdi. Mugi2 WSAB nambih Kerbek- keren beken!

Email: nurul_di@hotmail.com
YM : nuruldi
Blog: http://nuruldiana.blogspot.com/